ഹൃദയ താളം...!!!
-------------------------

എങ്ങു നിന്നോ പറന്നു വന്നെന്‍ ഇടനെഞ്ചില്‍
കൂട് കൂട്ടി നീ പൈങ്കിളി
സ്നേഹത്തിന്‍ വിത്തുകള്‍ കൊത്തിപ്പെറുക്കി കൊണ്ട്
വന്നെന്‍ പ്രാണനില്‍ പ്രണയം ഉണര്‍ത്തി നീ

പിന്നെ എന്നോ വന്നപോല്‍ പോയി നീ
എന്‍ മനസ്സിലോ വിഷാദ സ്വരങ്ങള്‍ മെല്ലെ തേങ്ങി
നീയില്ലാതെ ഈ ജന്മം പൂത്തീടുമോ
നീയില്ലാതെന്‍ ഉള്ളം നിറഞ്ഞിടുമോ

നീയാണെന്‍ പ്രാണന്റെ സുഗന്ധം
നീയാണ് ഈ ജന്മത്തെന്‍ സൌഭാഗ്യം
അറിയില്ലെനിക്ക്‌ ഈ വരി കുറിക്കുമ്പോള്‍
എന്നെങ്കിലും എന്നെയോര്‍ത്ത് നീ വന്നീടുമോ